ازاي اشتري عربية مستعملة من حد او معرض

ازاي اشتري عربية مستعملة

هذا المنشور يشرح القواعد العامه لشراء وتسعير السيارات المستعمله لمنع الاستغلال والجشع او النصب وازاي تعرف سعر اي عربيه مستعمله :

شروط الاستهلاك العامه لشراء السيارات المستعمله :

١ - لا ينصح شراء اي سياره موديلها اقدم من ١٠ سنوات

٢ - معدل الاستهلاك السنوي لا يزيد عن ٢٠ الف كيلومتر

٣ - معدل الاستهلاك في السنه العاشرة يكون اقل من ٢٠٠ الف كيلومتر و كفاءة الموتور لا تقل عن ٨٥٪؜

٤ - لا يوجد حوادث او لحامات بهيكل السيارة او اي عيوب بالشاسية او قطع غيار تجارية غير أصلية

٥ - مراجعة تاريخ انتاج الأطارات الكاوتش بحيث لا تزيد عن سنه

٦ - التأكد من كفاءة الفتيس وعدم وجود نتل او تسريب ومراجعة لون زيت الفتيس ورايش الحديد علي المغناطيس

٧ - شراء السيارات الاتوماتيك فقط وعدم شراء اي سيارة فتيس يدوي

٨ - الفحص المبدئي يكون بنفسك او ميكانيكي والفحص النهائي يكون في مركز فحص شامل بشهادة ضمان فحص وللمشتري الحق في اختيار اي مركز فحص

٩ - لا يوجد اي عيوب في هيكل السياره او دهانات غير الدهان الأصلي

١٠ - تكون السيارة بحالة الزيرو من الداخل وجميع الأوبشن تعمل ( تحكم المريات - زراير الزجاج - زراير الاضاءه - زرار فتحة السقف - كلبس حزام الامان يعمل - زراير ضبط الكراسي - منافذ التكييف تعمل - جميع لمبات التابلو تعمل - لا يوجد خدوش او تجريح او تلوثات بالأبواب من الداخل - السماعات تعمل بدون تشويش - الاشارات - تحكم الكشافات الاماميه ولمبات البريك والوضع الليلي - لا يوجد اي رجفه عند تشغيل التكييف والسيارة واقفه )

١١ - لا يوجد اي انحرافات للسيارة يمين او شمال سواء اثناء القيادة او عند الفرامل والمطبات

١٢ - مراجعة عزم وثبات السيارة بعد سرعة ١٨٠ كيلو ( متمرسين فقط ) ومعدل التسارع مع دواسة البنزين ومعدل التباطؤ مع دواسة البريك

كيفية تسعير اي سياره مستعمله في حاله الالتزام بالشروط السابقة :

١ - تقوم بالسؤال علي سعر السيارة الجديدة في المعرض ونفس الفئة التي تريد شرائها وتسأل علي سعر الكاش النهائي .

٢ - تقوم بقسمة سعر السيارة الجديدة علي عشره ثم تقوم بالضرب في معامل الاستهلاك التالي :

بافتراض نحن الان في ٢٠١٨ ونقوم بتسعير السيارات المستعمله من ٢٠١٨ ل ٢٠٠٨ يكون معامل الاستهلاك كالتالي من 0.5 في ٢٠١٨ الي 5.5 في ٢٠٠٨

٢٠١٨ : 0.5 ( في حالة الشراء اول السنه والبيع في نفس السنه )

٢٠١٧ : 1

٢٠١٦ : 1 + 0.9 = 1.9

٢٠١٥ : 1.9 + 0.8 = 2.7

٢٠١٤ : 2.7 + 0.7 = 3.4

٢٠١٣ : 3.4 + 0.6 = 4

٢٠١٢ : 4 + 0.5 = 4.5

٢٠١١ : 4.5 + 0.4 = 4.9

٢٠١٠ : 4.9 + 0.3 = 5.2

٢٠٠٩ : 5.2 + 0.2 = 5.4

٢٠٠٨ : 5.4 +0.1 = 5.5

٣ - لحساب قيمة استهلاك السيارة نقوم بقسمة سعر السيارة الزيرو علي عشره ثم الضرب في معامل الاستهلاك

٤ - نقوم بطرح قيمة الاستهلاك من قيمة السيارة الجديدة

٥ - هذه القواعد يتم تطبيقها علي اي سيارة ولكن سنعطي مثال عملي للتوضيح ( افترض ان سعر كيا سيراتو ٢٠١٨ الفئة الاولي هو ٣٢٠ الف جنيه فأن التسعير حسب الشروط العامه المذكور اعلاه ويكون التسعير القياسي كالتالي )

سعر السيارة مقسوم علي عشره = ٣٢ الف جنيه

وتكون اسعار المستعمل كالتالي

..............ِِِِِ.......................

ملحوظه ..

السيارات من 2015 فاقل .. يجب ان نقسم سعر الزيروا على 3 لان الدولار زاد ثلاث اضعاف .. وهذه السيارات لم تتاثر بسعر الدولار اصلا ..

......................................

‏‏٢٠١٨ : ٣٢٠,٠٠٠ - ٣٢٠٠٠ × 0.5 = 304,000 الف جنيه

‏٢٠١٧ : ٣٢٠,٠٠٠ - ٣٢٠٠٠ × 1 = 288,000 الف جنيه

‏٢٠١٦ : ٣٢٠,٠٠٠ - ٣٢٠٠٠ × 1.9 = 259,200 الف جنيه

‏٢٠١٥ : ٣٢٠,٠٠٠ - ٣٢٠٠٠ × 2.7 = 233,600 الف جنيه

‏٢٠١٤ : ٣٢٠,٠٠٠ - ٣٢٠٠٠ × 3.4 = 211,200 الف جنيه

‏٢٠١٣ : ٣٢٠,٠٠٠ - ٣٢٠٠٠ × 4 = 192,000 الف جنيه

‏٢٠١٢ : ٣٢٠,٠٠٠ - ٣٢٠٠٠ × 4.5 = 176,000 الف جنيه

‏٢٠١١ : ٣٢٠,٠٠٠ - ٣٢٠٠٠ × 4.9 = 163,200 الف جنيه

‏٢٠١٠ : ٣٢٠,٠٠٠ - ٣٢٠٠٠ × 5.2 = 153,600 الف جنيه

‏٢٠٠٩ : ٣٢٠,٠٠٠ - ٣٢٠٠٠ × 5.4 = 147,200 الف جنيه

‏٢٠٠٨ : ٣٢٠,٠٠٠ - ٣٢٠٠٠ × 5,5 = 144,000 الف جنيه

عدم الالتزام بهذه القواعد والشروط يعرضك للأستغلال او النصب .

حاول تشتري دايما من المالك الاول للسياره هيوفر عليك حاجات كتير

التسعير ده علي اساس ان العربيه بحاله الزيرو ومفيش فيها الهوا يعني ده اعلي سعر ويقل حسب حالة العربيه

اللي معاه عربيه قبل ٢٠٠٨ اما يخليها معاه ويتحمل مصاريف صيانتها او يبيعها بالتفاوض تحت مربوط السعر في ٢٠٠٨

استغلال الناس عشان معندوش خلفيه او اول مره يشتري عربيه مرفوض

اي عربيه مستعمله عايز تعرف تمنها هات سعرها جديده وطبق قاعده التسعير ومتدفعش فوق السعر جنيه واحد

لازم تعرف فئة السياره بالكود بتاعها عشان بتفرق في السعر سواء جديد او مستعمل

اللي عايز يبيع متروحش لسمسار او تاجر ، سعر عربيتك بنفسك وانزل بيعها

بعد ما تطبق قاعده التسعير دي ، دور في السوق والنت وهتلاقي نفسك بدات تعرف التاجر من النصاب من الاستغلالي من اللي بيبيع بما يرضي الله .

................................................ِ

يا جماعه المنشور ده علشان نتعلم منه تقييم وتحديد سعر السياره .. علشان لما نيجى نشترى نبقى متفقين كامشترين على سعر السياره الحقيقى .. وما نقبل اى زياده عليه .

وهى دى طريقه البيع والشراء فى كل دول العالم .. المشترى هو اللى بيحدد سعر السياره وليس البائع .. لان المشترى هو صاحب رأس المال وصاحب القرار .

لكن فى مصر البائع هو اللى بيحدد السعر ويفرضه على المشترى .. والمشترى بيقبل كان البائع ماسك عليه عليه زله .

بالتوفيق للجميع